Is rud as an ngnáth é seo: leagan Sean-Ghaeilge de scéal na dtrí mhuc! D'aistrigh ceathrar ball den liosta Old-Irish-L é: Neil McLeod, Liz Gabay, David Stifter agus mé féin. Tharraing Theresa Illés an léaráid seo. Beidh sé ar fáil ar an idirlíon, in éindí leis na léaráidí eile a rinne Theresa, ar shuíomh de chuid Shabhal Mór Ostaig roimh i bhfad (le cúnamh Dé), ach idir an dá linn, ba mhaith liom é ar chur ar fáil ar an mblag seo.Bátar téoir mucca beca amrai i n-Éirinn. Lúrcán, Orcán & Torcán a n-anmann. Fecht n-and ba mithig dóib tech a máthar do fhácbáil 7 ferann do shaigid dóib féin. Dia·ngabsat imthecht, as·bert a máthair friu:
“Cipé gním do·ngneid, da·gniid amail cond·iccid. Is ed ón indas fo·ngabar solad issin biuth.”
Do·géni Lúrcán, in chétmucc bec, a thech di aín, ar ba hed ón ba assam leis.
Do·géni Orcán, in mucc bec thánaise, a thech di cháel. Ba tressa sodain oldaas tech aíne.
Do-géni Torcán, in triss mucc bec, a thech di chlochaib.
Aidchi n-and do·ánaic in Fáelchú Féolchar Fuilech cosin cétmuicc. Ba accobor leis mucca beca métha d'ithi. Co·n-accae in cétmuicc mbic ina thig aíne.
“Nom·léic is tech, nom·léic is tech,” ol in Fáelchú Féolchar Fuilech.
“Nít·léiciub!” ol in chétmucc bec.
“Manim·léicfe,” ol in Fáelchú, “bolgfa ocus shéitfea ocus múrfa do thech co·mmema clí in tige anúas fort-su.”
“Tar gúaire mo shmech-áin-éoin, ní·léiciub,” ol in mucc bec.
Acht múrais didiu in Fáelchú a tech ocus do-fúaid in cétmuicc mbic.
Do-ánaic in Fáelchú íarum cosa tech di cháel.
“Nom·léic is tech, nom·léic is tech, a mucc bec, nó bolgfa ocus shéitfea ocus múrfa do thech co·mmema clí in tige anúas fort-su.”
“Tar gúaire mo shmech-áin-éoin, ní·léiciub,” ol in mucc bec.
Acht múrais in Fáelchú a tech-sa dano ocus do·fúaid in muicc mbic tánaisi.
Do·ánaic in Fáelchú íarum cosa tech di chlochaib.
“Nom·léic is tech, nom·léic is tech, nó bolgfa ocus shéitfea ocus múrfa do thech co·mmema clí in tige anúas fort-su!”
"Tar gúaire mo shmech-áin-éoin, ní·léiciub", ol in triss mucc bec.
Bolgais in Fáelchú immurgu ocus shéitis frisa clochthech-sin, acht ní·coímnacuir a múrad. Ba sen ocus ba túaichell in fáelchu-sin, os é oc dréimm ocus oc léimm for druimmchlae in tige ara·fagbad inotacht isa tech di chlochaib.
Co·n-accae in mucc bec in Fáelchoin oc dréimm forsin druimmchlae. Ad·daí tenid trichemrúad isin telluch ocus fo·ceird coire mór lán di uisciu fair.
Ro·ánaic an Fáelchú forlés in tige. Leblaing triit co·torchair isin coire di uisciu fichthech. At·bath in Fáelchú Féolchar Fuilech ó thothaimm ocus ó theinid ocus ó uisciu.
Do·géni Lúrcán, in chétmucc bec, a thech di aín, ar ba hed ón ba assam leis.
Do·géni Orcán, in mucc bec thánaise, a thech di cháel. Ba tressa sodain oldaas tech aíne.
Do-géni Torcán, in triss mucc bec, a thech di chlochaib.
Aidchi n-and do·ánaic in Fáelchú Féolchar Fuilech cosin cétmuicc. Ba accobor leis mucca beca métha d'ithi. Co·n-accae in cétmuicc mbic ina thig aíne.
“Nom·léic is tech, nom·léic is tech,” ol in Fáelchú Féolchar Fuilech.
“Nít·léiciub!” ol in chétmucc bec.
“Manim·léicfe,” ol in Fáelchú, “bolgfa ocus shéitfea ocus múrfa do thech co·mmema clí in tige anúas fort-su.”
“Tar gúaire mo shmech-áin-éoin, ní·léiciub,” ol in mucc bec.
Acht múrais didiu in Fáelchú a tech ocus do-fúaid in cétmuicc mbic.
Do-ánaic in Fáelchú íarum cosa tech di cháel.
“Nom·léic is tech, nom·léic is tech, a mucc bec, nó bolgfa ocus shéitfea ocus múrfa do thech co·mmema clí in tige anúas fort-su.”
“Tar gúaire mo shmech-áin-éoin, ní·léiciub,” ol in mucc bec.
Acht múrais in Fáelchú a tech-sa dano ocus do·fúaid in muicc mbic tánaisi.
Do·ánaic in Fáelchú íarum cosa tech di chlochaib.
“Nom·léic is tech, nom·léic is tech, nó bolgfa ocus shéitfea ocus múrfa do thech co·mmema clí in tige anúas fort-su!”
"Tar gúaire mo shmech-áin-éoin, ní·léiciub", ol in triss mucc bec.
Bolgais in Fáelchú immurgu ocus shéitis frisa clochthech-sin, acht ní·coímnacuir a múrad. Ba sen ocus ba túaichell in fáelchu-sin, os é oc dréimm ocus oc léimm for druimmchlae in tige ara·fagbad inotacht isa tech di chlochaib.
Co·n-accae in mucc bec in Fáelchoin oc dréimm forsin druimmchlae. Ad·daí tenid trichemrúad isin telluch ocus fo·ceird coire mór lán di uisciu fair.
Ro·ánaic an Fáelchú forlés in tige. Leblaing triit co·torchair isin coire di uisciu fichthech. At·bath in Fáelchú Féolchar Fuilech ó thothaimm ocus ó theinid ocus ó uisciu.
No comments:
Post a Comment