19 Iúil 2011

maidin Dé Domhnaigh


Nuair a chuir mé na grianghrafanna seo chuig cairde liom abhus anseo, scríobh mé “hanging with the cats on Sunday”. Conas a déarfá “hang (out) with” i nGaeilge? Agus conas a déarfá “lap cat”? “Cat uchta”? Shíl mé ar dtús go mbeadh fadhb leis sin, ós ionann “mac uchta” agus “adopted son”. Ach feicim anois go bhfuil “gaidhrín uchta” ar “lap-dog” in FGB.



Ag caitheamh ama leis na cait??

arna scríobh ag ag

13 comments:

  1. ormondo19 Iúil 2011 ag 14:20

    "Abhängen" a úsáidtear sa Ghearmáinis. Deargbhéarlachas atá ann ach is Gearmáinis í dá ainneoin. Nár chóir duinn a bheith ní ba dhána agus an rud céanna a dhéanamh i gcás na Gaelainne? "Ag crochadh thart" a úsáid, mar shampla?

    Tar éis an tsaoil, níl i bhfriotal béarlagair don chuid is mó ach focail éigin gan cruinneas sanasaíochta taobh thiar díobh.

    ReplyDelete
  2. Dennis King19 Iúil 2011 ag 15:24

    "Ag crochadh thart" a úsáid

    Tá “ag crochadh thart” cloiste/léite agam, ach nach ionann é sin agus “hanging around”? Agus ní hionann "hanging around” agus “hanging out”.

    Is caitheamh aimsire sósialta é an rud “hanging out with friends”... sna bólaí seo ar aon nós. Agus féach an téarma “hangout”. Is teach tábhairne é a leithéid go minic ach ní i gcónaí. Conas a déarfá “their favorite hangout” i nGearmáinis agus i nGaeilge?

    ReplyDelete
  3. aonghus20 Iúil 2011 ag 01:16

    Ag céilíocht? Agus teach airneáin?

    ReplyDelete
  4. Néidí20 Iúil 2011 ag 07:52

    ag crocháil leis na cait.

    ReplyDelete
  5. Dennis King20 Iúil 2011 ag 08:44

    @ Néidi

    Ar chum tú féin é sin, nó a bhfuil sé cloiste agat? Tá sé sách gonta ar aon nós.

    ReplyDelete
  6. Néidí20 Iúil 2011 ag 08:48

    Tá a fhios agam go bhfuil sé gonta, agus go hiomlán mícheart ach tá sé cloiste agam go minic

    ReplyDelete
  7. Dennis King20 Iúil 2011 ag 11:16

    Calque atá ann, ach ní déarfainn go bhfuil sé mícheart dá bhrí sin. Is maith liom é!

    ReplyDelete
  8. ormondo20 Iúil 2011 ag 15:11

    Conas a déarfá “their favorite hangout” i nGearmáinis agus i nGaeilge?

    ihr Lieblingslokal

    ReplyDelete
  9. Dennis King20 Iúil 2011 ag 18:38

    ≃ an teach tábhairne is ansa leo ?

    ReplyDelete
  10. Colm Ó Broin21 Iúil 2011 ag 05:27

    Tá 'ag crochadh timpeall' cloiste agam chomh maith. Ó mo thaithíse clúdaíonn 'hang around' an dá choincheap atá agaibh i Meiriceá (hang around agus hang out) eg hang around the shops, hang around with friends, mar sin úsáideann daoine 'ag crochadh thart/timpeall' don dá bhrí.

    ReplyDelete
  11. ormondo21 Iúil 2011 ag 11:35

    "≃ an teach tábhairne is ansa leo ?"

    Sin é.

    ReplyDelete
  12. Mise Áine21 Iúil 2011 ag 11:56

    Seal sínte leis na cait..:-)

    ReplyDelete
  13. Dennis King21 Iúil 2011 ag 12:57

    @ Áine

    :-) Is tú atá ag smaoineamh i nGaeilge!

    ReplyDelete

Subscribe to: Post Comments (Atom)