ata in dubsa ag leatad
re flichi in lae
& is im aenar domsa gan mh
agus uair is fata ata
Tá an dubh seo ag leathadh le fliche an lae,
agus is im aonar domsa gan M
agus uair is fada atá.
Bíonn laethanta mar seo ann. Tá rud éigin cearr leis an ríomhaire, nó leis an bhfreastálaí, nó leis an gcosmas. Tá an spéir chomh fliuch le hiasc, tá tú leat féin, agus tá an tráthnóna ag éirí chomh fada le Domhnach fliuch.
Is ag obair an Leabhar Bhaile an Mhóta sa bhliain 1390 nó 1391 a bhí an scríobhaí nuair a bhreac sé síos an méid thuas ag barr leathanaigh 232v.
Is mór agam giotaí mar seo. Cá raibh an duine a d'fhág an píosa seo dírbheathaisnéise suite? Céard a bhí á chaitheamh aige? Cén fáth a raibh sé ina aonar? Cé hé M?
Scríobh úrscéal faoi! (Nó cé hí M?)
ReplyDeleteLeagtha síos ar leabhar creidimh, ab ea? Aisteach go leor. Tá an scríbhneoireacht chomh nua-aimseartha ar bhealach, ach ar ndóigh an mothúchán chomh sean leis na cnoic.
ReplyDeleteIs cosúil gur fear a bhí i gceist, a Aonghuis: Maghnus Ó Duibhgeannáin, scríobhaí eile a bhí ag obair ar an leabhar seo.
ReplyDeleteNí leabhar creidimh atá ann, John. Cuid de Imtheachta Aeniasa (aistriúchán den Aenied) atá ar an leathanach a bhfuil an nóta seo scríofa air.
ná bac leis an úrscéal. Dán.
ReplyDelete