30 Márta 2013

gorm ubh na spideoige

Sna Stáit agus i gCeanada tá dath ann darb ainm robin's egg blue. D'fhoghlaim mé an t-ainm seo nuair a bhí mé i mo ghasúr agus is dóigh liom go bhfuil sé ag beagnach chuile dhuine abhus anseo. Is dath oifigiúil é de chuid Crayola é ó 1993 i leith.

Bhí robin's egg blue san fhaisean ar a lán rudaí tráth den saol. Seo é an locus classicus de, na huibheacha iad féin:


Ach tá fadhb thras-Atlantach leis an ainm seo! Ní bhfaighfeá uibheacha den dath seo i nead spideoige in Éirinn ná in áit ar bith eile san Eoraip. Cén fáth? Ní hansa. Ní hionann an t-éan ar a dtugtar spideog (nó rouge-gorge, pettirosso, Rotkehlchen, roodborst, etc.) air san Eoraip agus an robin redbreast i Meiriceá!

Seo é Turdus migratorius, an t-éan mór Meiriceánach. Smólach atá ann dáiríre:



Agus seo é an spideog Eorpach, Erithacus rubecula, éan nach bhfuil chomh mór céanna:


Maidir lena chuid uibheacha, níl dath robin's egg orthu ar chor ar bith. Tá siad donn.

arna scríobh ag ag

4 comments:

  1. ormondo30 Márta 2013 ag 15:04

    An bhfuil a fhios ag éinne cén fáth nach bhfuil na héin ar an taobh seo den Atlantach chomh dathannach leis na cinn ar an taobh eile?

    ReplyDelete
  2. Réaltán Ní Leannáin2 Aibreán 2013 ag 11:26

    nach ait a gorm sin ar aon ubh aon áit ar domhan! Shílfeá nach ag iarraidh iad a fhógairt a bheidís.

    ReplyDelete
  3. Dennis King2 Aibreán 2013 ag 18:03

    Breitheann cearca Araucana uibheacha gorma chomh maith, ach ní bhíonn siad chomh gorm sin de ghnáth.

    ReplyDelete
  4. Séamas Poncán3 Aibreán 2013 ag 08:46

    Ní raibh a fhios sin agam, go raibh difear tras-Atlantach ann. GRMA.

    ReplyDelete

Subscribe to: Post Comments (Atom)