scliúchas

grianghraf eile tógtha leis an iPad

Ní caoimhe agus suaimhneas a bhíonn i réim i gcónaí idir an dá chat. Comhrac atá leath bealaigh idir shúgradh agus dáiríre a bhíonn ar siúl acu go minic. Is Michael a fhágtar le scríob ar a shrón bhándearg uaireanta. Ní bhíonn rian den scliúchas ar Mholly riamh.

déithe beaga an teaghlaigh

Molly agus Búda Seapánach sa chúlra

grianghraf tógtha leis an iPad

sneachta

Dúirt mé anseo Dé hAoine:

“Tá sé ag bagairt sneachta an deireadh seachtaine seo.”

Fíoraíodh an réamhaisnéis. Seo agaibh an fhianaise:

dia-quiz

Cé hé an dia Ceilteach/Éireannach seo?

Agus cé a phéinteáil an pictiúr?

sliocht Mhichael Flatley?

Téigh go YouTube leis an scáileán iomlán a fheiceáil.

ceannlíne nár thuig mé

Uaireanta bíonn fadhb agam le ceannlínte sna nuachtáin Bhéarla, an Guardian go háirithe. Go dtí go léim an scéal, ní bhíonn a fhios agam céard is brí leis an ceannlíne.

Tar éis dom “Tá cealú toilteanach an díchreidimh faoi bhagairt mhór” a léamh ar an Irish Times cúpla lá ó shin, bhuel, léigh mé arís é. Rinne mé mo mhachnacmh air. Mearbhall fós orm. Níor thuig mé é go dtí gur léigh mé an abairt seo san alt (le Mícheál Ó Ruairc, dála an scéil):

Táim ag tagairt don fheiniméan ar a nglaotar “willing suspension of disbelief”.

Ahá! Ach déanta na fírinne, níl a fhios agam fós an mbeadh de mhisneach ionam “cealú toilteanach an díchreidimh” a chur in abairt gan leid a thabhairt don léitheoir roimh ré.

Dá mbeadh Alba saor...

1. … an mbeadh sí ina poblacht, nó an mbeadh sí in ainm a bheith faoi smacht na Windsors fós?

2. … an mbeadh an euro nó an punt aice mar airgeadra?

3. … an mbeadh an aimsir níos fearr ansin?