Google vs. Bing arís

Tharraing mé Bing anuas mar ábhar plé cúpla seachtain ó shin. Ní raibh an chuid is mó agaibh an-tógtha leis. Bhí alt ar an New York Times inniu a chuir an dá inneall cuardaigh seo i comparáid arís. Creideann an t-údar:

1. go bhfuil Bing an-chosúil le Google, ach beagán níos fearr;
2. go gcoinneoidh a lán daoine orthu ag úsáid Google toisc go bhfuil sean-aithne acu air; agus
3. go n-athróidh Google go luath le go mbeidh na buntáistí atá ag Bing anois aigesean freisin, .i. beidh coimhlint reatha ar siúl acu beirt as seo amach, rud a bheas go maith dúinne.

Tig leat triail a bhaint astu agus na torthaí a fheiceáil taobh le taobh ag bing-vs-google.com.

Cé acu ceann is fearr leat?

Gadelica (ceannlitreacha)

Benedikt Bold

Linotype Irish Text

Gadelica

Omnia

Coinnígí súil ar an Iaráin Déardaoin.

Tá a fhios againn cheana féin go mbeidh foréigean ar thaobh amháin ar a laghad. Is cosúil go bhfuil sé ar intinn ag na hagóideoirí an foréigean céanna a fhulaingt gan freagra foréigneach dá gcuid féin a thabhairt. Chuala mé duine de na hagóideoirí ar an raidió inniu a dúirt go bhfuil sé an-tábhachtach dúinne, pobail an Iarthair, aird a thabhairt ar na himeachtaí seo. “Má tá an saol ag breathnú orainn, maróidh siad níos lú dinn.” An cheist mhór: an féidir le neamhfhoréigean an rialtas a athrú sa tír sin?

“Cá bhfuil mo six pack???”

Chuir Scott an cheist seo ar a bhlag an lá cheana. Seo é an freagra.

an cló is measa

American Uncial an t-ainm a bhí ar an gcló seo nuair a tháinig sé amach sa bhliain 1943. Is é an tOstarach Viktor Hammer a dhear é. Tháinig sé amach arís sa bhliain 1953 faoin ainm Neue Hammer Unziale. Bhí ráchairt air ar feadh i bhfad, am ar bith a raibh cló “Ceilteach” ag teastáil. Ní raibh an dara rogha ag a lán daoine lasmuigh d’Éirinn, agus thaitin sé leo siúd nach raibh cur amach dá laghad acu ar an gcló Gaelach ná ar a stair. Is gránna an cló é seo agus chuireann sé díomá orm gach uair a fheicim rud ar bith i nGaeilge scríofa ann.

Blago bocht freisin

Mise, Rod Blagojevich, fear na gruaige! Gobharnóir i bhí ionamsa freisin, nach cuimhin libh? Bhí mé i lár an aonaigh ar feadh seachtainí. Bhí clú agus cáil ar mo chuid gruaige ar fud an domhain. Agus ansin, passé, caite i dtraipisí. Bheadh sé chomh maith agam bheith i mo bhlagadán, chomh fada leis na meáin de. I mean, féachaigí orm anois, guest spot á dhéanamh agam anseo ar bhlag beag gan iomrá ... i nGaeilge!?!

gobharnóir eile

Ná tit i ngrá, Mark. Greamóidh sé de d'aghaidh.

Mark Sanford bocht. Chaill sé Maria, a rúnsearc Airgintíneach. Agus anois, níl sé ar an gcéad leathanach níos mó, de dheasca gobharnóir eile a bheith ag aistíl (féach thíos). An créatúr.