23 Bealtaine 2011

Gaeilge sa Róimh seachtain ó shin



Is de thaisme a fuair mé an geata seo sa Róimh.

22 Bealtaine 2011

Céard a tharla don leagan Fraincise?



Cé a dhéanfadh a leithéid?

áille na meirge



clúdach dúnphoill cois cladaigh i mBonifaziu

sa Chorsaic



Tá mé sa Chorsaic le cúpla lá anuas. Oileán iontach álainn é seo! Radharc é seo ar Montemaggiore. Níl sé i bhfad ó bhaile beag eile, Sant Antoninu, a bhfuil muid ag fanacht ann lenár gcairde a bhfuil teach acu ann. « L'un des plus beaux villages de France » is ea Sant Antoninu más fíor don fhógra à l'entrée du village ! Is féidir go bhfuil an ceart acu.

Ní scríobhfaidh mé níos mó anois. Níl taithí agam ar an méarchlár seo agus tá sé deacair a úsáid. Slán go fóill!

09 Bealtaine 2011

sos beag



Beidh mé as baile agus as líne go dtí tús na míosa seo chugainn (le cúnamh Dé).

05 Bealtaine 2011

roth na gcat


Tá inneall mar seo ag teastáil uaim le haghaidh Mike & Molly. Caitheann siad a laethanta go díomhaoin anois, ag éirí bog is ag titim i bhfeoil. Dá gcuirfinn gineadóir le roth mar seo, bheidís in ann a gcuid a shaothrú!



Dála an scéal, agus ar eagla na míthuisceana, rinneadh an físeán seo leis an gceamara ina luí ar a thaobh!

02 Bealtaine 2011

Faiche?



Seo radharc ar an gclós tosaigh. Lá iontach deas a bhí ann inné, Lá Buí Bealtaine a bhí geal is grianmhar - faoi dheireadh. Ní raibh ann ach peata, faraor. Tá sé ag cur báistí arís inniu.

Tá an caonach atá againn in áit faiche (nó mar fhaiche) sásta leis an aimsir fhliuch seo, ar ndóigh. Agus tá muid sásta leis an gcaonach. Ní gá é a lomadh! Níl ag teastáil uaidh ach scuabadh maith ó am go ham.

Nuair a bhíonn triomach ann (i Mí Lúnasa, má tá an t-ádh linn) éiríonn an caonach briosc, ach ní fhaigheann sé bás ar chor ar bith. Scaird beagán uisce air agus, voilà, tá sé chomh huaine agus a bhí sé riamh i gceann cúpla nóiméad. Draíochtúil.